Қымбатты ата-аналар, әріптестер және достар!
Бүлдіршініңіздің бірінші білім алатын ордасы ретінде, балалар арасында қарым-қатынас жасап үйренуге «Мирас » бөбекжай бақшасын таңдап алғаныңыз үшін алғысымызды білдіреміз!
Біз сіздерді «Мирас» балабақшасы сайтының бетінде көргенімізге қуаныштымыз. 2011 жылы желтоқсан айында Қазақстан Республикасы тәуелсіздгінің 20 жылдық мерейтойына орай, Солтүстік Қазақстан облысы, Қызылжар ауданы, Бескөл ауылында «Мирас» бөбекжай бақшасы ашылды. Жобалық қуаты 280 бала, 12 топ, білім беру жүйесі екі тілде жүргізіледі: мемлекеттік және орыс тілдерінде. Біздің балабақшада әр баланың дамуы үшін қолайлы жағдай жасалған: бассейн, спорт жабдықтарымен қамтылған қауіпсіз дене шынықтыру залы, музыка залы, сенсорлық бөлме, жылыжай және кең, ашық, ыңғайлы топтар. Біздің ұжымда білікті педагогтар, тәрбиешілер, хореограф, аспазшы және медбике жұмыс істейді. Баланың дамуы үшін барлық жағдай жасау — балабақшамыздың барша қызметкерлерінің алдына қойған міндеті.
Мектепке дейінгі тәрбие және білім беру — үздіксіз білім берудің бірінші деңгейі, жеке және жас ерекшеліктерін ескере отыра, баланың тұлға ретінде дамуы үшін қолайлы орта жасау. Мектепке дейінгі тәрбие және білім беру — білім беру жүйесінің ірге тасы, өйткені балабақшада баланың мінезі анықталып, тұлғалық қасиеттерінің негізі қаланады.
Біз балаларды мектепке дайындап қана қоймай, сонымен қатар өз-өзіне қызмет көрсете алатындай, өз ойларын ашық айта алатын тұлға ретінде тәрбиелеуге бар күш жігерімізді саламыз.
Тәжірибе бөлісіп, ынтымақтастықта болайық! Шын жүректен Сіздерге табыс және сәттілік, денсаулық және жігерлік тілейміз!
Меңгеруші
Анжела Кабдуловна Жоламанова
